RITTERSHUSIUS Conradus

RITTERSHUSIUS Conradus

Brunsuicensis, fil. Balthasari ICti, nepos Henrici, Ducibus Brunsuicensib. et Luneburg. a Secretis, Basileae Iunis Utr. Doctor creatus A. C. 1591. Ius Altorfii docuit, Wesenbecii collega: ac in ordinem Consiliariorum Noricorum ascitus, ad summum famae culmen progressus est. Obiit A. C. 1613. aetat. 63. lue tabificâ penitissime consumptus, ut de attenuato eius corpusculo vere dici potuerit: Pelliculâ indutum sceleton, vix ossibus haerens. At animi dotes si spectes, alter sui saeculi Scaevola, Orator, Poeta, Philologus et Philosophus eximius, Graece Latineque doctissimus: infrgnis porro Psalmorum Davidicorum paraphrastes, in Patrum lectione versatissimus, ICtus consummatus. Collegit Lexicon ex Patrum Graecorum et Latinorum scriptis collectum, Ius Iustinianeum absolutissimâ methodô elaboravit, cum Novellis: Partitiones Feudales edidit: Fulgosi Consilia limâ accuratiori postuma Senatui Veneto dedicata transmisit: de Isidoro, Oppiano, Salviano, Gunthero Ligur. Phaedro, Porphyrio, Maxim. Margunio, Nemesio, Antonino

Imperatore etc. optime meritus. Freherus theatro Viror. erudit. claror.